ന്യൂയോർക്ക്: രണ്ടാം പകുതിയുടെ തുടക്കത്തിൽ തന്നെ ലോകകപ്പ് ഫൈനൽ ആവേശത്തിന്റെ കൊടുമുടിയിലെത്തി. 52-ാം മിനിറ്റിൽ സ്പാനിഷ് ക്യാപ്റ്റൻ റോഡ്രിക്കെതിരെ അർജന്റീനയുടെ ലിയാൻഡ്രോ പരെഡെസ് നടത്തിയ ഫൗളിനെ തുടർന്ന് ഇരുടീമുകളിലെയും താരങ്ങൾ നേർക്കുനേർ എത്തി. വാക്കേറ്റവും ഉന്തുംതള്ളും അരങ്ങേറിയെങ്കിലും റഫറിയുടെ സമയോചിത ഇടപെടലിൽ സ്ഥിതി നിയന്ത്രണത്തിലായി.
ഗോൾ തേടിയുള്ള സ്പെയിനിന്റെ ആദ്യ മുന്നേറ്റവും രണ്ടാം പകുതിയിൽ വേഗം തന്നെ എത്തി. 46-ാം മിനിറ്റിൽ ബോക്സിന് പുറത്തുനിന്ന് അലക്സ് ബയെന തൊടുത്ത ശക്തമായ ഷോട്ട് അർജന്റീനൻ ഗോൾകീപ്പർ മികച്ച സേവിലൂടെ തടഞ്ഞു.
ഇതിനിടെ, രണ്ടാം പകുതിക്ക് മുമ്പ് അർജന്റീന തന്ത്രപരമായ മാറ്റവും വരുത്തി. നിക്കോ ഗോൺസാലസിന് പകരം ലിയാൻഡ്രോ പരെഡെസിനെ കളത്തിലിറക്കി മധ്യനിരയ്ക്ക് കൂടുതൽ കരുത്തേകാനാണ് പരിശീലകന്റെ നീക്കം. രണ്ടാം പകുതിയുടെ ആദ്യ മിനിറ്റുകൾ തന്നെ ആക്രമണങ്ങളും ഏറ്റുമുട്ടലുകളും നിറഞ്ഞ ആവേശകരമായ പോരാട്ടത്തിനാണ് സാക്ഷ്യം വഹിച്ചത്.
